హైదరాబాద్, నవంబర్ 25 : బయోపిక్ల యుగం కొనసాగుతూనే ఉంది. నిజ జీవితాల్లోని విజయాలు, వైఫల్యాలు, పోరాటాలు, త్యాగాలు—ప్రత్యేకంగా మహిళా స్టార్ల జీవన ప్రయాణాలు—సిల్వర్ స్క్రీన్పై అద్భుతంగా రీ–క్రియేట్ అవుతున్నాయి. సావిత్రి, జెమిని గణేశన్, ఎమ్ఎస్ సుబ్బులక్ష్మి, ఝాన్సీ లక్ష్మీబాయి వంటి లెజెండ్స్ బయోపిక్లకు ప్రేక్షకులు ఇచ్చిన స్పందన చూస్తే, స్టార్ మహిళల కథలు ప్రేక్షకులను ఎంతగానో ఆకట్టుకుంటున్నాయి. అయితే ఇలాంటి సమయంలో ఒక ప్రశ్న మళ్లీ మళ్లీ చర్చకు వస్తోంది—భారతీయ సినిమా చరిత్రలో అతి పెద్ద ఐకాన్లలో ఒకరైన శ్రీదేవి బయోపిక్ వస్తే, ఆమె పాత్రకు ఎవరు సూట్ అవుతారు?
భారతీయ సినీ చరిత్రలో అపూర్వ లెజెండ్ – శ్రీదేవి
1960లలో చైల్డ్ ఆర్టిస్ట్గా ప్రారంభించిన శ్రీదేవి, ఐదు దశాబ్దాలకు పైగా దక్షిణ భారతం నుంచి బాలీవుడ్ వరకూ రాజకీయం చేసింది. ఎన్టీఆర్, ఏఎన్నార్, చిరంజీవి, నాగార్జున, వెంకటేష్, రజనీకాంత్, కమల్ హాసన్ నుంచి అమితాబ్, అనిల్ కపూర్ వరకు—అన్ని తరం హీరోలతో నటించిన ఏకైక నటి. నటన, డాన్స్, స్క్రీన్ ప్రెజెన్స్.. ఆమెను మించినవారిని ఇప్పటికీ ఇండస్ట్రీ వెతుకుతూనే ఉంది. ఇంతటి లెజెండ్ పై బయోపిక్ ఆదర్శంగా నిలుస్తుందనే ఆశతో ఫ్యాన్స్ ఉన్నా, ఆమె భర్త బోనీ కపూర్ మాత్రం ‘నో బయోపిక్’ అని ప్రకటించారు. అయినప్పటికీ, అభిమానులూ, కొందరు యంగ్ హీరోయిన్స్ కూడా ఈ డ్రీమ్ నుంచి వెనుదిరగడం లేదు.
“ఆ పాత్ర చేయడం నా డ్రీమ్” – తమన్నా
ఇటీవల 15 ఏళ్లకు పైగా తెలుగు, తమిళ, హిందీ ఫిల్మ్ ఇండస్ట్రీలలో స్టార్గా రాణిస్తున్న మిల్కీ బ్యూటీ తమన్నా భాటియా తన హృదయంలో దాచుకున్న ఒక డ్రీమ్ని బహిర్గతం చేసింది.
“శ్రీదేవి అంటే నాకు అమితమైన అభిమానం. ఆమె స్టైల్, గ్రేస్, నటన—all iconic. ఏదో ఒక రోజు శ్రీదేవి బయోపిక్ వస్తే, ఆమె పాత్ర చేయడం నా జీవితంలోని అతిపెద్ద గౌరవం. అది నా డ్రీమ్ రోల్” అని తమన్నా ప్రకటించింది.
సావిత్రి బయోపిక్ అనగానే కీర్తి సురేష్ గుర్తొచ్చినట్టు, శ్రీదేవి బయోపిక్ అనగానే తన పేరు ప్రజలు చెప్పేలా నటించాలని ఆమె కోరుకుంటోంది.
బియోపిక్ వస్తుందా?
బోనీ కపూర్ అనుమతి లేకుండా శ్రీదేవి బయోపిక్ తీసే అవకాశాలు ప్రస్తుతం లేవు. కానీ కాలం మారుతుందేమో, ఎప్పుడో ఒక రోజు ఈ లెజెండరీ కథ పెద్ద తెరపైకి వచ్చి తమన్నాకు ఆ కల సాకారం అవుతుందేమో చూడాలి.
