- దక్షిణాఫ్రికా 489 పరుగులు – టీమిండియా 122/7తో తీవ్ర ఒత్తిడిలో
గువాహటి: రెండో టెస్టులో టీమిండియా పూర్తిగా పతనమైంది. టాస్ గెలిచి ముందుగా బ్యాటింగ్ చేసిన దక్షిణాఫ్రికా భారీ స్కోరు నమోదు చేస్తే, భారత బ్యాటింగ్ వరుసగా కుప్పకూలింది. రెండు రోజుల ఆట ముగిసే సమయానికి భారత్ 122 పరుగులకే 7 వికెట్లు కోల్పోగా, ఫాలో ఆన్ భయం నిజమవుతుందన్న ఆందోళనలు పెరిగాయి.
సౌతాఫ్రికా భారీ స్కోరు – 489 పరుగులు
రెండో రోజు పిచ్ బ్యాటింగ్‌కు పూర్తిగా అనుకూలంగా మారడంతో దక్షిణాఫ్రికా లోయర్ ఆర్డర్ ఆటగాళ్లు చక్కగా రాణించారు. మొదటి ఇన్నింగ్స్‌లో 489 పరుగులు చేసి భారత బౌలర్లను చెమటలు పట్టించారు.
భారత్ టాప్ ఆర్డర్ పతనం
భారత ఇన్నింగ్స్ ఆరంభం నుంచే ఒత్తిడిలో పడిపోయింది. టాప్ ఆర్డర్ బ్యాటర్లు వరుసగా పెవిలియన్ చేరడంతో స్కోరు బోర్డు కదలలేదు.
ప్రస్తుతం క్రీజ్‌లో ఉన్న వాషింగ్టన్ సుందర్‌ ఒక్కడే ప్రతిఘటిస్తున్నాడు, మిగతా బ్యాటర్లు విఫలమయ్యారు.
ఫాలో ఆన్ తప్పదా?
భారత్ ఫాలో ఆన్ తప్పించుకోాలంటే కనీసం 289 పరుగులు చేయాలి. అంటే ఇంకా 167 పరుగులు చేయాలి. ప్రస్తుత స్థితి చూస్తే భారత్‌కు ఫాలో ఆన్ దగ్గర్లోనే కనిపిస్తోంది.
2010 తర్వాత మరోసారి ఇదే గండమా?
భారత్ చివరిసారిగా హోం టెస్టులో ఫాలో ఆన్ ఆడింది 2010లో, అదే సౌతాఫ్రికాపై నాగ్‌పూర్‌లో. ఆ మ్యాచ్‌లో:
సౌతాఫ్రికా: 558/6 డిక్లేర్
భారత్ (1st innings): 233 ఆలౌట్
భారత్ (Follow-on): 319 ఆలౌట్
ఫలితం: సౌతాఫ్రికా ఇన్నింగ్స్ + 6 పరుగులతో విజయం
ఆ టెస్టులో డేల్ స్టెయిన్ ఏడు వికెట్లు తీసి భారత్‌ను కుప్పకూల్చాడు.
భారత్ ఫాలో ఆన్ చరిత్ర
భారత జట్టు ఇప్పటి వరకు 33 సార్లు ఫాలో ఆన్ ఆడింది
24 మ్యాచ్‌లలో ఓటమి, 8 మ్యాచ్‌లు డ్రా
చివరిసారి ఫాలో ఆన్: 2011, ఓవల్ టెస్ట్ (ఇంగ్లాండ్)
ఈసారి కూడా అదే పరిస్థితి?
పిచ్ బ్యాటింగ్‌కు అనుకూలంగా ఉన్నప్పటికీ భారత్ తీవ్ర ఒత్తిడిలో ఉంది. లోయర్ ఆర్డర్ తప్పించగలిగితే తప్ప ఫాలో ఆన్ దూరం కాదు.
