ఫ్యాషన్ ప్రపంచంలో ఈ ఏడాది జాలీ చీరలు ప్రధాన ఆకర్షణగా నిలిచాయి. వివిధ రంగాల్లోని ప్రముఖులు, సెలబ్రిటీలు రెడ్‌ కార్పెట్, వివాహ వేడుకలు, సినిమా ప్రమోషన్లలో ఈ ప్రత్యేకమైన శైలి ధరించి దృష్టిని ఆకర్షించారు. కట్వర్క్, ఎంబ్రాయిడరీ, సీక్విన్‌ వర్క్‌లతో సొగసైన జాలీ చీరలు పలు సందర్భాల్లో ఫ్యాషన్ చరిత్రను సృష్టిస్తున్నాయి.
గతవారం ఉదయ్‌పూర్‌లోని నేత్ర మంతెన–వంశీ గాదిరాజుల వివాహ వేడుకల్లో జెన్నిఫర్ లోపెజ్ లేత గులాబీ కట్‌-వర్క్ జాలీ చీరలో వేదికపై మెరిసిపోయారు. మనీష్ మల్హోత్రా రూపొందించిన ఈ చీరలో స్వరోవస్కీ క్రిస్టల్స్, హెవీ సీక్విన్‌ స్ట్రాప్‌లెస్ బ్లౌజ్ ప్రత్యేక ఆకర్షణగా నిలిచింది. నియాన్ లైట్ల కాంతిలో చీర తళుకులీనగా మెరిసింది. వజ్రాలు, మాంగ్‌టిక్కా, పెద్ద చోకర్‌, జుంకాలు మరియు గ్లామ్‌ మేక్‌ప్ ఆమె ఫుల్‌ లుక్‌ను అద్వితీయంగా మార్చాయి.
తాజా సినిమా ప్రమోషన్‌లో జాన్వీ కపూర్ తెల్లని ల్యాటిస్ ప్యాట్రన్ జాలీ చీరలో కనువిందు చేశారు. చీర అంచులు మరియు గులాబీ పూల ఎంబ్రాయిడరీ వర్క్ ఫ్యాషన్ అభిమానులను మంత్రముగ్ధులు చేశారు. ప్రఖ్యాత తోరణి లేబుల్ కస్టమైజ్ చేసిన ఈ చీరలో సాదా హిల్స్‌తో డీసెంట్‌గా మెరిసిన జాన్వీ స్టయిల్ హిట్‌గా నిలిచింది.
కేన్స్ ఫెస్టివల్ ముగింపు వేడుకల్లో అలియా భట్ రెడ్‌ కార్పెట్‌పై గూచీ జాలీ చీరలో వేదికను చీల్చారు. రియా కపూర్ డిజైన్ చేసిన ఈ చీరలో ప్లంజింగ్ బ్లౌజ్, స్ట్రయిట్ స్కర్ట్, నేలను తాకే కొంగు, డైమండ్ టెన్నిస్ నెక్లెస్ వంటి ఎలిమెంట్స్ ఫ్యాషన్ స్టేట్‌మెంట్‌గా నిలిచాయి.
ఇక బ్రిటిష్ మ్యూజియంలో జరిగిన పింక్ బాల్ వేడుకల్లో నీతా అంబానీ లైట్ పింక్ కాంచీవరం చీరలో అందరిని ఆకర్షించారు. ఆర్. వరదన్ రూపొందించిన చీరలో మనీష్ మల్హోత్రా డిజైన్ చేసిన వెండి కట్వర్క్ కొంగు ప్రత్యేక ఆకర్షణగా నిలిచింది.
జాలీ చీరల ప్రత్యేకత
జాలీ అంటే సన్నని వల (నెట్) అని అర్థం. ఫ్యాబ్రిక్‌ను నెట్ మాదిరి డిజైన్ చేయడం, సూద్‌తో ఫాబ్రిక్ దారాలను విడదీసి అందమైన ప్యాట్రన్ సృష్టించడం ఈ శైలిని ప్రత్యేకం చేస్తుంది. కట్వర్క్, ఎంబ్రాయిడరీ, జర్దోసీ వర్క్, లేజర్ కట్‌లు, ఆర్కిటెక్చరల్ మెష్‌లు, మెటల్ మెష్‌లు, పూసల గ్రిడ్‌లతో సరికొత్త డిజైన్లు తయారుచేస్తున్నారు. జాలీ చీరలతో కాట్చుకున్నప్పుడు మ్యాచ్ అయ్యే రిచ్ బ్లౌజ్ ధరిస్తే పూర్తి లుక్ ఆకర్షణీయంగా ఉంటుంది. జాలీ చీరలు కేవలం ఫ్యాషన్ ట్రెండ్ మాత్రమే కాక, భారతీయ వారసత్వాన్ని మరియు ఆధునిక డిజైన్ సామర్థ్యాన్ని సమన్వయపరుస్తున్నాయి.
