చాలా మంది ఒకే సమయంలో రోటీ, అన్నం కలిపి తినే అలవాటు కలిగి ఉంటారు. అయితే ఈ పద్ధతి శరీరానికి మంచిది కాదని ఆరోగ్య నిపుణులు హెచ్చరిస్తున్నారు. రోటీ, అన్నం రెండూ వేర్వేరు పోషక లక్షణాలు, వేర్వేరు జీర్ణ ప్రక్రియలను కలిగి ఉన్నందున వీటిని ఒకే పూటలో కలిపి తినడం శరీరానికి భారమవుతుందని చెబుతున్నారు.
నిపుణుల అభిప్రాయం ప్రకారం ఒక భోజనంలో రోటీ లేదా అన్నం—ఏదో ఒకటి మాత్రమే తీసుకోవాలి. రెండింటినీ కలిపి తినడం వల్ల ప్రేగుల్లో కిణ్వ ప్రక్రియ పెరుగుతుంది. ఇదే సమయంలో గ్లైసెమిక్ ఇండెక్స్ కూడా అధికమవుతుంది. రోటీ, అన్నం రెండూ కార్బోహైడ్రేట్స్కు ముఖ్య వనరులే అయినా, ఈ రెండింటినీ కలిపి తినటం ఆహారాన్ని మరింత బరువుగా మార్చుతుందని వైద్యులు అంటున్నారు.
ఇలా బరువైన ఆహారం తీసుకోవడం వల్ల జీర్ణక్రియ నెమ్మదిస్తుంది. ఫలితంగా పొట్ట నిండిన భావం, గ్యాస్, అసౌకర్యం, అజీర్ణం వంటి సమస్యలు వచ్చే అవకాశం ఉంది. అంతేకాక రోటీ–అన్నం కలిపి తినటం వల్ల శరీరంలో కేలరీల మొత్తము ఒక్కసారిగా పెరుగుతుంది. దీని కారణంగా బరువు పెరగడమే కాకుండా, ఫ్యాట్ నిల్వలు ఎక్కువవుతాయని నిపుణులు చెబుతున్నారు.
డయాబెటిస్ ఉన్నవారికి ఈ మిశ్రమం మరింత ప్రమాదకరమని చెబుతున్నారు. రోటీ, అన్నం కలిపి తినడం రక్తంలో చక్కెర స్థాయిని ఒక్కసారిగా పెంచే అవకాశం ఉంది. ఇది గ్లూకోజ్ స్థాయిల్లో హెచ్చు తగ్గులను కలిగించి, డయాబెటిక్ కంట్రోల్ను దెబ్బతీయగలదు. అందువల్ల డయాబెటిస్ రోగులు ఈ రెండు ఆహారాలను ఒకేసారి తినకుండా ఉండటం అవసరం.
రోటీ, అన్నం రెండింటిలోనూ కేలరీలు, కార్బ్స్ అధికంగా ఉండటం వల్ల, ఒకే భోజనంలో ఇవి రెండూ తినడం శరీరానికి అదనపు లోడుగా మారుతుంది. కాబట్టి జీర్ణక్రియ సక్రమంగా ఉండాలంటే, బరువు నియంత్రణలో ఉండాలంటే, రక్త చక్కెర స్థాయులు సTABLEగా ఉండాలంటే—ఒక్కో పూటలో రోటీ లేదా అన్నం మాత్రమే తీసుకోవడం ఉత్తమమని నిపుణులు సూచిస్తున్నారు.
