ఇంటర్నెట్ డెస్క్ ,నవంబరు 25 : భారత మాజీ క్రికెట్ దిగ్గజాలు శిఖర్ ధావన్ (Shikhar Dhawan), హర్భజన్ సింగ్ (Harbhajan Singh) గురించి ప్రత్యేకంగా చెప్పనక్కర్లేదు. ఒకరు తన దూకుడు బ్యాటింగ్తో ప్రేక్షకులను మంత్రముగ్ధులను చేస్తే, మరొకరు తన స్పిన్ మాంత్రికంతో బ్యాట్స్మెన్ను భయభ్రాంతులకు గురి చేసేవాడు. రిటైర్మెంట్ తర్వాత విశ్రాంతి తీసుకుంటున్న ఈ ఇద్దరూ ఇప్పుడు మళ్లీ మైదానంలోకి అడుగు పెట్టబోతున్నారు.
లెజెండ్స్ ప్రో టీ20 లీగ్ కోసం సిద్ధం
ప్రపంచవ్యాప్తంగా వివిధ లీగ్స్ జరుగుతున్నప్పటికీ, ప్రేక్షకుల ఆసక్తిని కొనసాగిస్తూ నిలిచింది లెజెండ్స్ ప్రో టీ20 లీగ్ (Legends Pro T20 League). మాజీ క్రికెట్ దిగ్గజాలు ఇందులో పాల్గొనడం ప్రత్యేక ఆకర్షణగా నిలుస్తోంది. ఈసారి భారత్ నుంచే కాకుండా అంతర్జాతీయ క్రికెట్కు చెందిన అనేక స్టార్లు ఈ లీగ్లో బరిలోకి దిగనున్నారు.
జనవరి 26, 2026 నుంచి ఫిబ్రవరి 4 వరకు గోవా వేదికగా ఈ పోటీలు జరుగనున్నాయి.
స్టెయిన్, వాట్సన్ కూడా రంగంలోకి
-
సౌతాఫ్రికా పేస్ లెజెండ్ డేల్ స్టెయిన్ (Dale Steyn)
-
ఆస్ట్రేలియా ఆల్రౌండర్ షేన్ వాట్సన్ (Shane Watson)
ఇద్దరూ ఈ లీగ్లో భాగం కావడం అభిమానుల్లో భారీ ఆసక్తిని రేకెత్తిస్తోంది.
లీగ్ కమిషనర్గా మైకేల్ క్లార్క్
ఆస్ట్రేలియా మాజీ కెప్టెన్ మైకేల్ క్లార్క్ ఈ లీగ్కు కమిషనర్గా వ్యవహరించనున్నట్లు నిర్వాహకులు తెలిపారు. ఎస్జీ గ్రూప్ ఆధ్వర్యంలో జరుగుతున్న ఈ లీగ్లో మొత్తం 6 ఫ్రాంచైజీలు పోటీ పడబోతున్నాయి. వివిధ జట్లలో కలిపి 90 మంది లెజండరీ ప్లేయర్లు పాల్గొననున్నారు.
లీగ్పై మాట్లాడుతూ మైకేల్ క్లార్క్ తెలిపిన మాటలు ఆసక్తికరంగా ఉన్నాయి:
“క్రికెట్కు అతిపెద్ద నిలయం భారత్. ఇక్కడి అభిమానుల ప్రేమకు నేను ఎప్పటికీ రుణపడి ఉంటాను. ఈ లీగ్లో భాగం కావడం నాకు గౌరవంగా ఉంది. పాత మిత్రులను, గత ప్రత్యర్థులను మళ్లీ మైదానంలో కలుసుకోవడం ఎంతో ప్రత్యేకం.”
