ఆంధ్రప్రదేశ్‌లో పంచాయతీలు కీలక పాత్ర పోషిస్తున్నాయి. ఈ క్రమంలో ప్రభుత్వం మరోసారి కొత్త పంచాయతీల ఏర్పాటుకు అడుగులు ముందుకు వేసింది. ఐదేళ్ల క్రితం కొత్త పంచాయతీలు ఏర్పడినప్పటి తర్వాత, ఇప్పుడు మరికొన్ని కొత్త పంచాయతీలను ఏర్పాటు చేయడానికి కేంద్రం మార్గదర్శకాలు ఇచ్చింది.
గతంలో ఉమ్మడి విశాఖపట్నం జిల్లా పరిధిలో 2020లో కొత్త పంచాయతీలు ఏర్పాటు చేయబడ్డాయి. ఆ సమయంలో మొత్తం 50 పంచాయతీలు ఏర్పడ్డాయి. వీటిలో అనకాపల్లి జిల్లాలోనే 49 పంచాయతీలు ఉన్నాయి. ఆ పంచాయతీలలో ఒకటి-రెండు తప్ప, మిగతా అన్ని పంచాయతీల ఎన్నికలు పూర్తయ్యాయి.
ప్రస్తుతానికి ప్రభుత్వం కొత్త పంచాయతీల పునర్వ్యవస్థీకరణకు అనుమతిచ్చింది. ఈ మేరకు, ఒక పంచాయతీని రెండు భాగాలుగా విభజించడం, రెండు పంచాయతీలను ఒకటిగా కలపడం, ఒక గ్రామాన్ని వేరే పంచాయతీలో విలీనం చేయడం, లేదా పురపాలక, నగరపాలక సంస్థల్లో చేర్చడం వంటి మార్పులు చేర్చవచ్చు. అయితే, ఒక పంచాయతీని వేరే మండలానికి మార్చే అవకాశం లేదు.
స్థానికుల నుంచి ఈ మార్పుల కోసం అనేక ప్రతిపాదనలు అందుతున్నాయి. ప్రస్తుతానికి అనకాపల్లి జిల్లాలో నక్కపల్లి మండలంలోని కొన్ని గ్రామాలను, వి. మాడుగుల మండలంలోని గ్రామాలను, కోటవురట్ల, రాంబిల్లి మండలంలోని గ్రామాలను విభజించి కొత్త పంచాయతీలు ఏర్పాటు చేయాలని స్థానికులు కోరుతున్నారు. జిల్లాలో ఇప్పటి వరకు దాదాపు 40 ప్రతిపాదనలు సేకరించబడ్డాయి.
