ఫుట్‌బాల్ దిగ్గజం లియోనెల్ మెస్సీ మరియు తెలంగాణ ముఖ్యమంత్రి రేవంత్ రెడ్డి ఒకే మైదానంలో తలపడనున్న అరుదైన ఫుట్‌బాల్ మ్యాచ్ డిసెంబర్ 13న హైదరాబాద్ ఉప్పల్ రాజీవ్ గాంధీ అంతర్జాతీయ స్టేడియంలో జరిగనుంది. డిసెంబర్ 8, 9 తేదీల్లో నిర్వహించనున్న ‘తెలంగాణ రైజింగ్ గ్లోబల్ సమ్మిట్’ ముగింపు వేడుకల్లో భాగంగా ఏర్పాటు చేసిన ఈ డ్రీమ్ మ్యాచ్‌లో సీఎం రేవంత్ ‘RR-9’ జట్టు తరఫున 9వ నంబర్ జెర్సీతో, మెస్సీ ‘LM-10’ జట్టు తరఫున తన ప్రసిద్ధ 10వ నంబర్ జెర్సీతో బరిలోకి దిగుతారు. మ్యాచ్‌కు ముందు మెస్సీ ప్రభుత్వ పాఠశాలల విద్యార్థులతో ప్రత్యేకంగా ఫుట్‌బాల్ ఆడనుండటం మరో ప్రధాన ఆకర్షణగా మారింది. ఒక రాష్ట్ర ముఖ్యమంత్రి అంతర్జాతీయ తారతో ప్రత్యక్షంగా తలపడటం ఇదే మొదటిసారి కావడంతో క్రీడాభిమానులు, రాజకీయ వర్గాల్లో భారీ ఆసక్తి నెలకొంది. ఈ ఈవెంట్ తెలంగాణ గ్లోబల్ సమ్మిట్‌కు మరింత ప్రాధాన్యం తీసుకురానుందని అధికారులు భావిస్తున్నారు.
