Search

    Language Settings
    Select Website Language

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policy, and Terms of Service.

    PM Modi Mann Ki Baat : భారత క్రీడా రంగానికి ‘సూపర్ హిట్’ నెల: మన్ కీ బాత్‌లో ప్రధాని మోదీ ప్రశంసలు

    12 hours ago

    భారత క్రీడా రంగానికి గడిచిన నెల అసాధారణంగా విజయవంతమైనదిగా నిలిచిందని ప్రధానమంత్రి నరేంద్ర మోదీ తెలిపారు. తన నెలవారీ రేడియో కార్యక్రమం ‘మన్ కీ బాత్’ 128వ ఎపిసోడ్‌లో మాట్లాడుతూ వివిధ అంతర్జాతీయ క్రీడా పోటీలలో భారత అథ్లెట్లు సాధించిన విజయాలను ప్రత్యేకంగా ప్రస్తావించారు. క్రికెట్, కబడ్డీ, బాక్సింగ్ వంటి పలు రంగాల్లో భారత తారలు దేశ గర్వాన్ని మరోసారి ప్రపంచానికి చాటారని ఆయన కొనియాడారు.

     

    మోదీ మాట్లాడుతూ, “ఈ నెల భారత క్రీడా రంగానికే కాదు, ప్రతి భారతీయునికి సూపర్ హిట్ నెల” అని పేర్కొన్నారు. ఐసీసీ మహిళల ప్రపంచకప్ విజయం ఈ నెలకు శుభారంభమైందని, ఆ తర్వాత కూడా మన క్రీడాకారులు వరుసగా అద్భుత విజయాలను నమోదు చేశారని చెప్పారు. టోక్యోలో జరిగిన డెఫ్లింపిక్స్‌లో 20 పతకాలు సాధించడం ఇప్పటివరకు అత్యుత్తమ ప్రదర్శనగా ఆయన అభివర్ణించారు. అలాగే, భారత మహిళా కబడ్డీ జట్టు అజేయంగా ప్రపంచకప్‌ను కైవసం చేసుకోవడం పై ప్రధాని ప్రత్యేకంగా ప్రశంసలు కురిపించారు. గ్రూప్ స్టేజ్, సెమీ ఫైనల్, ఫైనల్లో అద్భుత ఆధిపత్యంతో ఆడిన భారత అమ్మాయిలు చైనీస్ తైపీ జట్టును 35–28 తేడాతో ఓడించి వరల్డ్ ఛాంపియన్స్‌గా నిలిచారు.

     

    ఇదే విజయాల పరంపరను కొనసాగిస్తూ గ్రేటర్ నోయిడాలో జరిగిన వరల్డ్ బాక్సింగ్ కప్‌లో కూడా భారత్ మొత్తం 20 పతకాలు (9 స్వర్ణాలు, 6 రజతాలు, 5 కాంస్యాలు) సాధించింది. ఈ ప్రదర్శన భారత బాక్సర్ల ప్రతిభకు మరో నిదర్శనమని ప్రధాని అన్నారు. కానీ, ఈ విజయాలన్నిటికంటే ప్రత్యేకమైనది భారత మహిళల అంధుల క్రికెట్ జట్టు ప్రపంచకప్ విజయం అని మోదీ పేర్కొన్నారు. ఒక్క మ్యాచ్ కూడా ఓడిపోకుండా అజేయంగా కప్ గెలిచిన ఈ జట్టు సభ్యులను ఇటీవల తన నివాసంలో కలిసి అభినందించిన విషయాన్ని ఆయన గుర్తుచేసుకున్నారు.

     

    “వారి ధైర్యం, పట్టుదల ప్రతి భారతీయుడికి స్ఫూర్తి. భారత క్రీడా చరిత్రలోనే ఇది గొప్ప విజయాలలో ఒకటి,” అని భావోద్వేగంగా ప్రసంగించారు. ఈ విజయాలన్నీ భారత అథ్లెట్ల అంకితభావం, కఠోర శ్రమకు ప్రతీక అని మోదీ పేర్కొన్నారు. క్రీడా రంగంలో భారత భవిష్యత్తు మరింత ప్రకాశవంతంగా కనిపిస్తోందని ఆయన సంతోషం వ్యక్తం చేశారు.

    Click here to Read More
    Previous Article
    Virat Kohli : టెస్టు జట్టును బలపరిచేందుకు కోహ్లీ రిటైర్మెంట్ వెనక్కి తీసుకోవాలని బీసీసీఐ ప్రయత్నాలు ప్రారంభం
    Next Article
    Thadasthu Devathalu : అశ్వినీ దేవతలు – తధాస్తు దేవతలుగా ప్రత్యేకమైన స్థానం

    Related జాతీయ Updates:

    Are you sure? You want to delete this comment..! Remove Cancel

    Comments (0)

      Leave a comment